АҚШнинг Жанубий ва Марказий Осиё бўйича махсус вакили Қирғизистон ва Ўзбекистонга ташриф буюради
Сафар доирасида B5+1 бизнес форуми ва минтақавий иқтисодий ҳамкорлик масалалари муҳокама қилинади.
АҚШнинг Жанубий ва Марказий Осиё бўйича махсус вакили Сергио Гор 3–7 февраль кунлари Қирғиз Республикаси ва Ўзбекистонга расмий ташриф билан келади. Бу ҳақда АҚШ Давлат департаменти маълумот берди.
Ташриф доирасида Сергио Гор Бишкек шаҳрида бўлиб ўтадиган B5+1 Бусинесс Форумъда иштирок этади. Тадбирда Қозоғистон, Қирғизистон, Тожикистон, Туркманистон ва Ўзбекистонни бирлаштирган С5 мамлакатлари, шунингдек, АҚШнинг йирик бизнес вакиллари ва сиёсий қарор қабул қилувчи шахслар қатнашади.
Форум давомида АҚШ–Марказий Осиё ҳамкорлигини ривожлантиришда хусусий секторнинг муҳим ўрни алоҳида таъкидланиши кутилмоқда. Муҳокамаларда савдо алоқаларини кенгайтириш, инвестиция муҳитини яхшилаш ҳамда давлат ва хусусий сектор ҳамкорлиги орқали минтақавий иқтисодий боғлиқликни мустаҳкамлаш масалаларига эътибор қаратилади.
Мазкур ташриф АҚШнинг Марказий Осиё мамлакатлари билан иқтисодий ва бизнес алоқаларни чуқурлаштиришга қаратилган саъй-ҳаракатлари доирасида муҳим қадам сифатида баҳоланмоқда.
