Клинтонлар Эпштейн иши бўйича Конгресс қўмитасида гувоҳлик беришга рози бўлди
АҚШ собиқ президенти Билл Клинтон ва унинг рафиқаси бу қарорни Конгрессни ҳурмат қилмаслик айби билан ҳибсга олиниши эҳтимоли фонида қабул қилди.
АҚШнинг собиқ президенти Билл Клинтон ва собиқ давлат котиби Ҳиллари Клинтон молиячи Жеффри Эпштейн иши бўйича АҚШ Вакиллар палатасининг Назорат қўмитаси олдида гувоҳлик беришга рози бўлди. Бу ҳақда Билл Клинтоннинг матбуот котиби Anxel Urena ижтимоий тармоқларда маълум қилди дейди RBC.
Унинг сўзларига кўра, собиқ президент ва собиқ давлат котиби қўмита мажлисида иштирок этишга тайёр бўлиб, бу жараён оммавий аҳамиятга эга бўлган муҳим претседент бўлиши кутилмоқда.
Аввалроқ Клинтонлар Конгресс томонидан юборилган чақирув қоғозларини “нотўғри ва қонуний кучга эга эмас” деб атаган эди. Январ ойида режалаштирилган гувоҳлик бериш жараёни амалга ошмаганидан сўнг, Вакиллар палатаси қўмитаси уларни чақирувга бўйсунмаганлик учун ҳурматсизлик сифатида кўриб чиқиш бўйича овоз берган.
Жеффри Эпштейн 2008 йилда фоҳишаликни ташкил этишда айбини тан олган, 2019 йилда эса вояга етмаганларни жинсий эксплуатацияга ундаш айблови билан яна ҳибсга олинган эди. Ўша йилнинг август ойида у суд жараёнидан олдин қамоқхонада вафот этган. Унинг шериги Гислен Максвелл ҳозирда жинсий эксплуатацияга ёрдам берганлик учун 20 йиллик қамоқ жазосини ўтамоқда.
Аввалроқ эълон қилинган ҳужжатлар ва фотосуратларда Эпштейн атрофидаги айрим таниқли шахсларнинг исмлари тилга олинган. Клинтонлар вакиллари эса собиқ президент Эпштейн билан алоқаларни унинг жиноятлари ошкор бўлишидан анча олдин узганини таъкидлаб келмоқда.
