Тошкентда кредитдан қарздор ҳайдовчининг машинаси хатланди
У ўзига тегишли “Cobalt” русумли автомашинани хатлашдан яшириб келган.
Фуқаролик ишлари бўйича суднинг қарорига асосан банк фойдасига қарздор М.И.дан кредит қарздорлигини ундириш тўғрисидаги ижро варақаси Мажбурий ижро бюросининг Жиззах шаҳар бўлими иш юритувига келиб тушган.
Қарздорга бир неча бор огоҳлантириш берилганига қарамасдан, у қарздорликни ихтиёрий равишда тўлашдан бош тортган, шунингдек ўзига тегишли “Cobalt” русумли автомашинани хатлашдан яшириб келган.
Олиб борилган мажбурий ижро ҳаракатлари давомида мазкур автомашина Жиззах шаҳри ҳудудида ҳаракатланган вақтида аниқланиб, жарима майдончасига жойлаштирилди.
Келгусида ушбу автомашина аукцион савдолари орқали сотилиб, тушган маблағ ҳисобидан мавжуд кредит қарздорлиги қопланиши режалаштирилмоқда.
