11 февралдан Ўзбекистонда метан заправкалар 24 соатлик режимга ўтади
Республиканинг барча ҳудудларида, жумладан Фарғона водийсида ҳам метан заправкалар босқичма-босқич аввалги тартибда ишлашни бошлайди.
Ўзбекистонда 11 февраль, чоршанба куни соат 09:00 дан бошлаб метан заправкалар одатий иш режимида фаолият юрита бошлайди. Бу ҳақда Энергетика вазирлиги маълум қилди.
Вазирлик ахборотига кўра, республиканинг барча ҳудудларида, жумладан Фарғона водийсида ҳам метан заправкалар босқичма-босқич аввалги тартибда ишлашни бошлайди.
Эслатиб ўтамиз, аввалроқ 2 февралдан бошлаб метан заправкалар фаолияти вақтинча чекланиб, улар соат 10:00 дан 16:00 гача ишлаши белгиланган эди. Фарғона водийсида эса иш жадвали ҳудудий ҳокимликлар билан келишилган ҳолда, газ босимидан келиб чиқиб тартибга солинган.
Шунингдек, ижтимоий соҳа объектларига хизмат кўрсатувчи махсус техника ва жамоат транспортлари учун газ таъминоти ушбу даврда ҳам узлуксиз ва чекловларсиз таъминланган.
