Самарқандда кучли сел ва шамол оқибатида ўнлаб фуқаролар жабрланди
Қўшработ туманининг Қўштамғали, Жўшота ва Катта Оқмасжид маҳаллаларидаги ўнлаб уйларнинг томи шикастланган. 60 дан ортиқ электр узатиш симёғочлари қулаб тушган. Ижтимоий тармоқларда тарқалган видеоларда сел туфайли йўлларда автомобиллар ҳаракати тўхтаб қолгани кўринади.
Кеча, 9 февраль куни Самарқанд вилояти Қўшработ туманидаги Қўштамғали, Жўшота, Катта Оқмасжид маҳаллаларидаги ўнлаб хонадонлар томлари кучли шамол таъсирида учиб кетган ёки зарар кўрган. Йўлларни сел босган. Бу ҳақда ҳудудда бўлиб турган Zamon.uz мухбири хабар қилди.
Дастлабки маълумотларга кўра, ҳодисада оқибатида ҳалок бўлган ёки жароҳатланганлар йўқ.
Ҳозирча вилоят ёки туман ҳокимлиги ҳолат бўйича расмий муносабат билдирмаган. Zamon.uz мухбирининг сўзларига кўра, айни пайтда вилоят ҳокими бошчилигидаги масъуллар жабр кўрган маҳаллаларда бўлиб, оқибатларни бартараф этиш чораларини кўрмоқда.
Тез орада ҳолат юзасидан батафсил репортаж эълон қиламиз.
