Самарқандда ноқонуний қум-шағал қазиб олиш ҳолати фош этилди
Фуқарога жарима қўлланиб, 158,1 млн сўм зарар ҳисобланди.
Самарқанд вилояти Экология ва иқлим ўзгариши бош бошқармаси ҳамда Тойлоқ тумани Ички ишлар бўлими ҳамкорлигида навбатдаги рейд тадбири ўтказилди.
Рейд давомида Тойлоқ тумани “Гўлба” МФЙ ҳудудида яшовчи фуқаро Ф.Ж. томонидан туман ҳудудидан оқиб ўтувчи Дарғом каналидан “Volvo” русумли экскаватор ҳамда “KamAZ” юк машинаси ёрдамида ноқонуний равишда қум-шағал аралашмаси қазиб олинаётгани аниқланган.
Мазкур ҳолат юзасидан фуқарога нисбатан Маъмурий жавобгарлик тўғрисидаги кодекснинг тегишли моддаларига асосан жарима қўлланилди ҳамда табиий объектларга етказилган зарар миқдори 158 миллион 100 минг сўм этиб ҳисобланди.
Қоидабузарликда фойдаланилган махсус техника ва транспорт воситалари вақтинча жарима майдонига жойлаштирилди.
