“Дизайн” жамоаси аъзоси Дилшодбек Мусабеков вафот этди
Марҳум ўзининг самимий ижоди ва ҳазиллари билан халқ орасида машҳур эди.
Бугун Ўзбекистон санъати ва кулгу олами оғир йўқотишга учради. Кўплаб мухлислар меҳрини қозонган, истеъдодли санъаткор, «Дизайн» шоу жамоаси аъзоси Дилшодбек Мусабеков вафот этди. Хабарни Zamon.uz'гa Маданият вазирлиги тасдиқлади. Марҳумнинг ўлим сабаблари ҳозирча номаълум.
Марҳум ўзининг бетакрор ҳазиллари, саҳнадаги табиийлиги ва самимий ижоди билан кенг жамоатчилик қалбидан чуқур жой олган эди. Унинг вафоти нафақат яқинлари, балки санъат аҳли ҳамда минглаб мухлислари учун катта йўқотиш бўлди.
Zamon.uz жамоаси марҳумнинг оила аъзолари ва яқинларига чуқур ҳамдардлик билдирилади.
