Алиментдан қарздор ота машинасидан айрилди
Шу тариқа 13 млн сўм алимент қарзи тўлиқ ундирилган.
Қарздор Э.Х.дан фуқаролик ишлари бўйича Яккасарой туманлараро судининг қарорига асосан вояга етмаган фарзандининг моддий таъминоти учун алимент ундириш тўғрисидаги ижро ҳужжати ижроси Мажбурий ижро бюросининг Сирдарё туман бўлимига юклатилган.
Қарздор ота бир неча маротаба огоҳлантирилган бўлсада, алимент пулини тўлашдан бўйин товлаганлиги сабабли, мажбурий ижро ҳаракатларига киришилиб, қарздор отага тегишли “Кобалт” русумли автотранспорт воситаси хатланиб, жарима майдонига жойлаштирилган.
Натижада қарздордан 13 млн. сўм алимент қарзи тўлиқ ундирилиб, ундирувчи онанинг банк пластик картасига ўтказиб берилиши таъминланди.
