Бухорода МИБ орқали фуқаронинг 65 млн қарзи ундириб берилди
Фуқаро қўлланган чеклов ва тақиқлардан сўнг қарзини тўлиқ тўлашга мажбур бўлган.
Бировга қарз бериш – савобли иш. Аммо айрим ҳолларда қарз олувчининг муаммоси ҳал бўлсада, қарз берувчи учун муаммо юзага келади. Афсуски, судларда кўрилаётган низоларнинг катта қисми айнан қарз олди-бердиси билан боғлиқ.
Бухоро шаҳар бўлими иш юритувидаги фуқаролик ишлари бўйича Бухоро туманлараро судининг ижро ҳужжатига кўра, қарздор X.G.dan ундирувчи O.N. фойдасига 65 883 333 сўм қарз ундириш белгиланган.
Қарздор ижро ҳужжати мазмуни билан таништирилиб, қарзни ихтиёрий равишда тўлаш учун муддат берилган. Бироқ талаблар бажарилмагач, қарздорга тегишли барча мол-мулкларга тақиқ қўйилди ҳамда унинг республикадан чиқиш ҳуқуқи вақтинча чекланди.
Шунингдек, қарздорлик тўлиқ қопланмагунига қадар унинг пенсиясининг 50 фоизини ушлаб қолиш тўғрисида пенсия таъминоти органига талабнома юборилди.
Амалдаги қонунчиликка мувофиқ қўлланган чеклов ва тақиқлардан сўнг, қарздор қарзини тўлиқ тўлашга мажбур бўлди.
