21 февраль куни Ўзбекистоннинг 9 та вилоятида сел хавфи эълон қилинди
Айрим ҳудудларда ёмғир сувлари тўпланиши натижасида ҳудудларни сув босиши эҳтимоли ҳам мавжуд.
Ўзгидромет 21 февраль куни кутилаётган ёмғирлар сабаб республиканинг тоғолди ва тоғли ҳудудларида сел-сув тошқинлари юзага келиши мумкинлигидан огоҳлантирди.
Прогнозларга кўра, қуйидаги ҳудудларда сел-сув тошқини эҳтимоли мавжуд:
- Қашқадарё вилояти: Яккабоғ, Деҳқонобод, Чироқчи, Китоб, Шаҳрисабз, Қамаши, Ғузор;
- Сурхондарё вилояти: Сариосиё, Узун, Олтинсой, Денов, Бойсун, Шеробод, Шўрчи, Қумқўрғон, Музробот;
- Самарқанд вилояти: Ургут, Самарқанд, Булунғур, Нуробод, Қўшработ, Каттақўрғон, Пайариқ, Жомбой, Иштихон;
- Навоий вилояти: Хатирчи, Навбаҳор, Нурота, Конимех, Кармана;
- Жиззах вилояти: Зомин, Бахмал, Ғаллаорол, Шароф Рашидов, Фориш, Янгиобод;
- Тошкент вилояти: Оҳангарон, Бўстонлиқ, Паркент, Пискент, Ўртачирчиқ, Юқоричирчиқ туманлари ҳамда Ангрен ва Олмалиқ шаҳарлари;
- Наманган вилояти: Поп, Косонсой, Чортоқ, Чуст, Наманган, Янгиқўрғон;
- Фарғона вилояти: Сўх, Шоҳимардон, Фарғона, Бешариқ;
- Андижон вилояти: Андижон, Асака, Жалақудуқ, Қўрғонтепа, Пахтаобод, Избоскан, Хўжаобод, Марҳамат туманлари ва Хонабод шаҳри.
Шунингдек, айрим ҳудудларда ёмғир сувлари тўпланиши натижасида ҳудудларни сув босиши эҳтимоли ҳам мавжуд.
Мутахассислар тоғолди ва тоғли ҳудудларда яшовчи фуқароларни, дам олувчиларни ҳамда тоғ йўлларида ҳаракатланувчи ҳайдовчиларни эҳтиёт чораларини кўришга, хавфсизлик қоидаларига қатъий риоя этишга чақирди.
