Собиқ шаҳзода Эндрю ҳибсга олинди
Собиқ шаҳзода Эпштейн билан боғлиқ алоқаларини ҳамон рад этиб келмоқда.
Буюк Британия шаҳзодаси Эндрю давлат лавозимини суиистеъмол қилишда гумон қилиниб ҳибсга олинди. Маълумотларга кўра, ҳукуматнинг бундай қарорга келиши Жеффри Эпштейн билан алоқалари билан боғлиқ. Бу ҳақда Ал Арабия маълум қилди.
Темза водийси полицияси шу ой бошида Моунтбаттен-Виндзор марҳум жинсий жиноятчига махфий ҳукумат ҳужжатларини узатган бўлиши мумкинлиги ҳақидаги даъволарни кўриб чиқаётганини маълум қилган. Бу маълумотлар АҚШ ҳукумати яқинда эълон қилган ҳужжатларда келтирилган.
Марҳума қиролича Елизавета II нинг иккинчи ўғли бўлган Моунтбаттен-Виндзор Эпштейн билан боғлиқ ҳар қандай ноқонуний ҳаракатларни доим рад этиб келган. У бу дўстлигидан афсусдалигини билдирган, бироқ ҳужжатларнинг сўнгги эълонидан бери журналистларнинг изоҳ сўровларига жавоб бермаган.
Собиқ шаҳзода Эпштейн билан алоқалари сабабли барча унвонлардан маҳрум қилинган. 66 ёшли Эндрю барча айбловларни рад этиб, ҳеч қандай қонунга хилоф иш қилмаганини таъкидлаб келади.
