Навоийда Рамазон муносабати билан арзонлаштирилган савдо ярмаркаси очилди
Ярмаркада асосий озиқ-овқат маҳсулотлари ва кундалик истеъмол товарлари арзон нархларда нархларда сотувга чиқарилди.
Муборак Рамазон ойи муносабати билан Навоий вилояти Қизилтепа туманида аҳолини ижтимоий қўллаб-қувватлаш, нарх-навонинг барқарорлигини таъминлаш ҳамда фуқаролар учун қулай шароит яратиш мақсадида арзонлаштирилган савдо ярмаркаси ташкил этилди.
Мазкур ярмарка “Қизилтепа деҳқон бозори” ҳудудида ўтказилиб, унда кенг турдаги озиқ-овқат ва қишлоқ хўжалиги маҳсулотлари аҳолига белгиланган тартибда арзонлаштирилган нархларда тақдим этилмоқда.
Хусусан, савдо ярмаркасида сабзавот ва полиз маҳсулотлари, турли хил мевалар, гўшт ва гўшт маҳсулотлари, сут ва сут маҳсулотлари, ўсимлик ёғи, ун ва нон маҳсулотлари, шакар-қандолат маҳсулотлари ҳамда бошқа кундалик истеъмол товарлари арзон нархларда сотувга чиқарилди.
Ярмаркани ташкил этишдан асосий мақсад — аҳоли, айниқса кам таъминланган ҳамда ижтимоий ҳимояга муҳтож оилаларни қўллаб-қувватлаш, уларнинг озиқ-овқат маҳсулотларига бўлган эҳтиёжини қондириш ва Рамазон ойи давомида фуқаролар учун янада қулай ижтимоий муҳит яратишдан иборат.
Навоий вилояти ҳокимлиги Ахборот хизмати
