Самарқандда банкдан қарздор фуқаро машинасидан айрилди
У машинасини МИБ ходимларидан яшириш мақсадида фақат тунда уйига олиб келиб, кундузи бошқа жойда сақлаган.
Мажбурий ижро бюроси Самарқанд вилоят бошқармаси Қидирув шўъбаси ходимлари томонидан олиб борилган тезкор тадбирлар натижасида банк фойдасига ундирилиши лозим бўлган қарздорлик билан боғлиқ навбатдаги ижро ҳаракати таъминланди.
Маълум бўлишича, Самарқанд шаҳрида яшовчи фуқаро Р.У.дан Микрокредитбанк АТБ фойдасига 19 миллион сўм қарздорликни ундириш белгиланган ва унга тегишли “Chevrolet Gentra” русумли автотранспорт воситасига қидирув эълон қилинган.
Қарздор транспорт воситасини фақат тунда уйига олиб келиниб, кундузи бошқа жойда сақланаётгани аниқланган. Олиб борилган тезкор-қидирув тадбирлари натижасида автомашина қарздорнинг яшаш манзилида аниқланди.
Натижада фақат тунда уйига келадиган қарздор транспорти белгиланган тартибда хатланиб, жарима майдончасига жойлаштирилди.
