Жиззахда “Avtocon” тизими орқали қидирувдаги машиналар топилмоқда
Йил бошидан буён вилоятда ана шу тизим орқали 19 таси қидирувда бўлган транспорт воситалари аниқланган.
Шароф Рашидов тумани ҳудудида автотранспорт воситалари бўйича қидирувдаги транспортларни аниқлаш ҳамда қарздорликларни ундиришга қаратилган тадбирлар изчил давом этмоқда.
Мажбурий ижро бюроси ҳамда ЙҲХБ ходимлари ҳамкорлигида ўтказилаётган рейд тадбирлари доирасида туманнинг марказий кўчаларида махсус ишчи гуруҳлари ташкил этилди.
Замонавий «Avtocon» тизими орқали олиб борилган назорат тадбирлари самарасида йил бошидан буён жами 32 та автотранспорт воситаси жарима майдончаларига жойлаштирилди. Шундан 19 таси қидирувда бўлган транспорт воситалари эканлиги аниқланди.
Бу кўрсаткичлар замонавий технологиялардан фойдаланиш орқали қидирув ишларининг самарадорлиги ошганини ҳамда назорат тизими кучайтирилганини кўрсатмоқда.
