Отабек Умаров FIA Сенати таркибига кирди
Энди Умаров ташкилотнинг олий бошқарув органи фаолиятида иштирок этади.
Ўзбекистон Миллий Олимпия қўмитаси раисининг биринчи ўринбосари Отабек Умаров Халқаро автомобиль федерацияси (FIA) Сенати таркибига кирди. Бу ҳақида қўмита расмий саҳифасида маълум қилинди.
Қайд этилишича, мазкур тайинлов туфайли Отабек Муҳаммадалиевич ташкилотнинг олий бошқарув органи фаолиятида иштирок этади.
Ўзбекистон вакилининг ушбу нуфузли тузилма таркибига кириши мамлакатда автомобиль спорти ва мобиллик соҳасининг ривожланишига хизмат қилади.
Маълумот учун, Сенат FIA Бош Ассамблеясига стратегик тавсиялар киритувчи орган ҳисобланиб, ташкилот тараққиёти йўлида муҳим бўғин вазифасини бажаради.
