Америкада Эпштейннинг ташландиқ самолёти топилди

Американинг Жоржия штатидаги авиация омборидан 10 йилдан бери ташландиқ ҳолатда турган машҳур америкалик молиячи Жеффри Эпштейннинг шахсий самолёти — Boeing 727 топилди.

 

Оммавий ахборот воситаларида “Lolita Express” номи билан танилган самолёт 2016 йилдан буён Брунсвик авиация омборларида ташландиқ ҳолда ётибди. У яқинда текширувчилар томонидан коррозияга учраган ва ички қисмида чириган бўлаклар билан тўла ҳолатда суратга олинган.

 

Ҳаво кемаси 2001–2016 йилларда Эпштейнга тегишли эди. У Boeing 727–100 модели бўлиб, ўз вақтида илғор мебель ва технинакалар билан жиҳозланган, ичида ётоқхона, бир нечта қулай дам олиш зоналари, ошхона ва ҳаммомлар бўлган.

 

Сўнгги расмий парвозини 2016 йилда амалга оширганидан сўнг, самолётнинг двигателлари олиниб, у учишга яроқсиз ҳолатга келиб қолган ва ташқи шароит таъсирида кириш жойларида коррозия юзага келган.

 

Самолёт ичида сунъий йўлдош телефони, ётоқ, болалар учун лосьон ва кукун, кир сочиқлар, Эпштейннинг самолёти рақами билан монограмма туширилган салфеткалар топилган. 

 

Тергов материалларида кўрсатишича, самолёт фақат бой ва машҳур шахсларни ташиш учун хизмат қилган эмас, балки Эпштейннинг вояга етмаганларни жинсий эксплуатация қилиш тармоғидаги муҳим восита сифатида ҳам ишлатилган деб ҳисобланади.