Зеленский: Путин аллақачон Учинчи жаҳон урушини бошлаган
“Биз ҳудудларни қайтарамиз, лекин буни ҳозир амалга ошириш миллионлаб одамлар ҳаётига зарар етказиши мумкин”, деган Украина етакчиси.
Украина президенти Россия қанча ҳудудни эгаллай олиши ва Путинни қандай тўхтатиш мумкинлиги асосий масалалардан бири эканини қайд этди.
Зеленскийнинг фикрича, Трамп ишончли ҳамкор бўлмаслиги мумкин. Чунки у доимо президент бўлиб қолмайди. Украина учун Америка берадиган хавфсизлик кафолатларининг ишончлилиги АҚШ Конгрессига боғлиқ.
“Мен диктатор эмасман ва бу урушни бошламаганман. Ғалаба бу украиналикларни нормал ҳаётга қайтариш ва одамлар ўлдирилишини тўхтатиш, Путин томонидан яратилган глобал таҳдидни йўқ қилишдир. Биз ҳудудларни қайтарамиз, лекин буни ҳозир амалга ошириш миллионлаб одамлар ҳаётига зарар етказиши мумкин”, деган у.
Президент Украинада етарли қурол бўлиши ҳамкорларга боғлиқ эканини қўшимча қилиб, 1991 йил чегараларига қайтиш адолатнинг қарор топишини ва Украинанинг ғалабасини белгилашини айтган.
