Билл Гейтс Эпштейн билан алоқалари учун узр сўради
У Эпштейн билан вақт ўтказиш катта хато бўлганини айтган.
Америкалик миллиардер Билл Гейтс Жеффри Эпштейн билан алоқалари учун “Гейтс” жамғармаси ходимларидан узр сўради. У хайрия ташкилоти фаолиятига салбий таъсир ўтказган хатолар қилганини тан олди.
The Wall Street Journal танишган мактубга кўра, Гейтс Эпштейн билан 2011 йилдан бошлаб учрашишни бошлаган. Бу Эпштейн жинсий хизматларни ташкил этганини тан олганидан кейинги давр эди.
Гейтс рафиқаси Мелинда унинг Эпштейн билан алоқаларига қарши бўлганини билдириб, ўзининг турмушдан ташқари бир рус аёли ва рус ядровий физиги билан муносабатлари бўлганини ҳам тан олди.
Microsoft асосчиси Эпштейн билан вақт ўтказиш ва жамғарма раҳбарларини ушбу жинсий жиноятчи билан учраштириш катта хато бўлганини қайд этди. Шу билан бирга, Билл Гейтс ҳеч қандай ноқонуний иш қилмаганини таъкидлаб ўтди.
2026 йил бошида АҚШ Адлия вазирлиги молиячи Жеффри Эпштейн ишига оид тахминан уч миллион файлдан иборат янги ҳужжатлар тўпламини эълон қилди. Уларда Эпштейн билан мулоқот қилган юқори лавозимли сиёсатчилар, қироллик оилалари аъзолари ва бизнесменлар, жумладан Билл Гейтс номи ҳам тилга олинган.
