Ким Чен Ин 13 ёшли қизини КХДР ядро кучлари дастури раҳбари этиб тайинлади — The Chosun Daily
У стратегик қуроллар билан боғлиқ жараёнларда фаол иштирок этиб, генераллардан ҳисоботлар қабул қилмоқда.
Шимолий Корея етакчиси Ким Чен Ин ўзининг 13 ёшли қизи Ким Жу Эни КХДР ядро кучлари дастури раҳбари этиб tayinladi. Бу ҳақда Жанубий Кореянинг The Chosun Daily нашри ҳукумат ва разведка манбаларига таяниб маълум қилди.
Нашр хабарига кўра, разведка идоралари Ким Жу Э “ракета бўлинмасининг бош директори” сифатида тилга олинаётганини қайд этилган. Манбаларга кўра, у стратегик қуроллар билан боғлиқ жараёнларда фаол иштирок этиб, генераллардан ҳисоботлар қабул қилмоқда ҳамда айрим буйруқлар бермоқда.
Шунингдек, хабарларда Ким Жу Энинг сиёсий ва ҳарбий тадбирларда тобора кўпроқ кўриниш бераётгани, жумладан, ракета синовлари ва стратегик объектларга ташрифлар давомида отаси билан бирга қатнашаётгани таъкидланади. Разведка маълумотларига кўра, унинг бу жараёнларга жалб этилиши ҳарбий тузилмалар устидан назоратни мустаҳкамлашга қаратилган.
Бироқ расмий маълумотларга кўра, ракета дастури бўйича тегишли лавозим амалда бошқа мансабдор шахс томонидан эгаллаб турилгани айтилади. Шу билан бирга, нашр манбалари Ким Жу Э амалда стратегик масалаларда муҳим роль ўйнаётганини билдирган.
ОАВда қайд этилишича, Шимолий Кореяда раҳбарият масаласига оид муҳокамалар фонида Пхенянда муҳим сиёсий йиғилишлар ўтказилмоқда. Унда сўнгги йилларда мамлакатда амалга оширилган ўзгаришлар сарҳисоб қилиниб, кейинги беш йилга мўлжалланган устувор йўналишлар белгиланиши кўзда тутилган.
Эслатиб ўтилишича, Ким Жу Э илк бор 2022 йил ноябрь ойида қитъалараро баллистик ракета синови тадбирида отаси билан бирга омма олдида кўринган. Шундан буён у давлат ва ҳарбий тадбирларда мунтазам иштирок этиб келмоқда. Айрим халқаро кузатувчилар ва разведка манбалари унинг келажакдаги эҳтимолий ворис сифатидаги мақоми босқичма-босқич мустаҳкамланаётганини тахмин қилмоқда.
