Бухорода 13 ёшли қиз она бўлди
Гумонланувчи ҳозирда қамоққа олинган ва тергов ҳаракатлари олиб борилмоқда.
Бухорода 13 ёшли қиз ҳомиладорлик ҳолати аниқланган. Ҳолат бўйича Ўзбекистон Республикаси Жиноят кодексининг 118-моддаси 4-қисми (14 ёшга тўлмаган шахснинг номусига тегиш) билан жиноят иши қўзғатилган.
Аввалроқ, ижтимоий тармоқларда 12 ёшли қизнинг ўгай отаси томонидан зўрлангани ҳақидаги маълумотлар тарқалган эди. Аммо Болалар омбудсмани Kun.uz сўровига жавобан бу маълумотни рад этган. Ҳомила 6 ойлик бўлган вақтда аниқланган.
Гумонланувчи, оила аъзоси эмас, балки аввалдан таниш бўлган шахс сифатида аниқланиб, ҳозирда қамоққа олинган ва тергов ҳаракатлари олиб борилмоқда. Омбудсман маълумотига кўра, бола манфаатларини ҳимоя қилиш доирасида айбдор шахсга қонунда белгиланган энг қатъий жазо қўлланилиши назорат қилинади.
Амалдаги қонунчиликка кўра, 14 ёшга тўлмаган шахснинг номусига тегиш жинояти учун 15 йилдан 20 йилгача озодликдан маҳрум қилиш жазоси белгиланган, ва 2026 йилда давлат дастури доирасида умрбод қамоқ жазосини жорий этиш кўзда тутилган.
