Мисрда вафот этган Ўзбекистон фуқаросининг жасади ватанга қайтарилди
Элчихона дипломатлари томонидан маҳрумнинг яқинларига авиакомпания билан боғлиқ ва дафн маросимлари каби ташкилий масалаларни ҳал қилишда ёрдам берилди.
Мисрда юрак хуружи оқибатида вафот этган 38 ёшли Ўзбекистон фуқаросининг жасади ватанга қайтарилди.
«Дунё» ахборот агентлиги хабарига кўра, Ўзбекистоннинг Мисрдаги элчихонаси ходимлари томонидан марҳум Б.A.нинг жасадини Ўзбекистонга олиб келиш ишлари ташкил этилган.
Дипломатик миссия маълумотига кўра, фожиа ҳақида хабар олингач, зудлик билан Мисрнинг тегишли ваколатли органлари билан алоқалар ўрнатилиб, зарур ҳужжатлар қисқа муддатларда расмийлаштирилган.
Шунингдек, элчихона дипломатлари марҳумнинг Миср ҳудудидаги яқинларига ҳар томонлама амалий ёрдам кўрсатиб, авиакомпания билан боғлиқ ташкилий масалалар ҳамда дафн маросимига оид жараёнларни мувофиқлаштиришда кўмаклашган.
Оила аъзоларининг хоҳиш-истакларига мувофиқ, марҳумнинг жасади миллий анъаналарга риоя этилган ҳолда ўз ватанида дафн этиш учун Ўзбекистонга юборилган.
