Тошкентда 10-синф бола ЙПХ ходимини уриб юборди
Инспектор тан жароҳатлари билан шифохонага ётқизилган.
Ижтимоий тармоқларда Тошкент шаҳрининг Миробод туманида вояга етмаган бола ЙПХ ходимини уриб юборгани ва оқибатда ходим оғир аҳволда реанимация бўлимига ётқизилгани ҳақида хабарлар тарқалганди. Бош прокуратура ҳолат юзасидан маълумот берди.
Қайд этилишича, 25 февраль куни соат 21:46 да 2010 йилда туғилган вояга етмаган бола, хусусий мактабнинг 10-синф ўқувчиси “BMW M4” русумли автомашинани ҳайдовчилик гувоҳномасисиз бошқариб, Миробод тумани Миробод кўчаси бўйлаб ҳаракатланиб келаётган вақтда Тошкент шаҳар ИИББ ЙҲХБ ЙПХ инспекторини уриб юборган.
ЙПХ инспектори тан жароҳатлари билан шифохонага ётқизилган.
“Мазкур ҳолат юзасидан прокуратура томонидан терговга қадар текширув ҳаракатлари олиб борилмоқда. Текширув якунларига кўра қонуний қарор қабул қилиниши таъминланади”, дейилади хабарда.
