Тошкентда “ақлли” светофорлар ўрнатилади, тирбандликлар камаяди
Президент Шавкат Мирзиёевнинг транспорт тизимини модернизация қилишга оид қарорини ҳаётга татбиқ этиш ишлари бошланди.
Тошкент шаҳрида Президент Шавкат Мирзиёевнинг транспорт тизимини модернизация қилишга оид қарорини ҳаётга татбиқ этиш ишлари бошланди.
Шу мақсадда махсус тузилган Йўл ҳаракатини ташкил этиш маркази 27 февраль куни пойтахтдаги тирбандлик, экология масалалари ҳамда жамоат транспорти назорати бўйича тақдимот ўтказди.
Берилган ҳисоботларга кўра, яқин кунларда «Ақлли» светофорлар ўрнатиш, йўлларга стандартларга мос чизиқлар тортиш, автотураргоҳларни тўғри ташкил қилиш бўйича кенг кўламли ишлар бошланади.
Шаҳар ҳокими бошчилигидаги жамоанинг қарорнинг тўлиқ ижросини таъминлашга бор куч ва имкониятини сафарбар қилишини таъкидлашди. Лойиҳанинг амалга оширилиши шахсан Президент Администрацияси раҳбари томонидан назорат қилинади.
