Бекободда ИИБ ходими уриб юборган эркакнинг жасади 80 кундан сўнг топилди
У воқеадан сўнг Фарҳод каналига ташлаб юборилганди.
Бекобод шаҳрида ички ишлар ходими томонидан машинада уриб юборилган ва каналга ташлаб юборилган 43 ёшли фуқаронинг жасади 80 кундан сўнг аниқланди. Бу ҳақида марҳумнинг яқинлари маълум қилди.
Эслатиб ўтамиз, 2025 йилнинг 11 декабрь куни Бекобод шаҳар ИИБ катта тезкор вакили маст ҳолатда автомашина бошқарган. У фуқарони уриб юборгач, жасадни “Nexia” автомобилига юклаб, ҳодиса жойидан узоқроқ жойга олиб борган ва турмуш ўртоғини чақирган.
Аёл “Matiz” автомобилида келган. Сўнгра эр-хотин жасадни иккинчи машинага юклаб, ҳодиса жойидан 35 км узоқликдаги Фарҳод каналига ташлаб юборган.
Шундан сўнг қидирув ишлари каналнинг жасад ташлаб юборилган жойидан Сирдарё дарёсигача бўлган қисмида амалга оширилган.
