Эрон ва Исроил ҳаво ҳудуди ёпилди: Ўзбекистон рейсларига таъсир кўрсатди
Тошкент, Андижон, Мадина ва Жидда йўналишидаги бир нечта рейслар хавфсизлик сабабли ортга қайтарилди.
Эрон ва Исроил ҳаво ҳудудлари, дастлабки маълумотларга кўра, Тошкент вақти билан соат 11:30 дан 17:00 гача вақтинча ёпилди. Бу ҳақда Uzbekistan Airports маълум қилди.
Мазкур чекловлар сабаб Ўзбекистон шаҳарларидан учган ҳамда Ўзбекистонга йўл олган бир нечта рейслар жўнаш аэропортига қайтишга мажбур бўлди.
Ўзбекистондан амалга оширилган рейслар:
- 7Q4461 (Fly One Asia) — Андижон–Мадина йўналишида учган рейс Андижон аэропортига қайтди.
- HH901 (Qanot Sharq) — Тошкент–Дубай йўналишидаги рейс Тошкент аэропортига қайтди.
Ўзбекистонга амалга оширилган рейслар:
- 7Q342 (Fly One Asia) — Мадина–Тошкент йўналишидаги рейс Мадина аэропортига қайтди.
- 2U7706 (Fly Khiva) — Мадина–Андижон йўналишидаги рейс Мадина аэропортига қайтди.
- 9S3302 (Air Samarkand) — Жидда–Тошкент йўналишидаги рейс Жидда аэропортига қайтди.
