Исроил Эрондаги бошланғич мактабга зарба берди
Ҳодиса оқибатида салкам 60 нафар бола ҳалок бўлган.
Исроил Эроннинг жанубидаги Минаб шаҳрида жойлашган қизлар мактабига ракета зарбаси берди. Mehr ахборот агентлиги ва маҳаллий расмийлар маълумотига кўра, ҳужум оқибатида камида 57 нафар бола ҳалок бўлган, яна 48 нафари турли даражада жароҳат олган.
Айни пайтда воқеа жойида қидирув-қутқарув ишлари давом этмоқда, вайроналар остида қолганларни излаш ишлари олиб борилмоқда.
Эрон ташқи ишлар вазири Аббос Ароқчий ҳужумга муносабат билдириб, зарба оқибатлари акс этган видеокадрларни эълон қилди. У Эрон халқига қарши содир этилган “жиноятлар жавобсиз қолмаслигини” таъкидлади.
Эрон Ташқи ишлар вазирлиги матбуот котиби Исмоил Бақоий ҳам ҳужумни “очиқ жиноят” деб атаб, БМТ Хавфсизлик кенгашини зудлик билан чора кўришга чақирди.
Al-Jazeera телеканали мухбири Муҳаммад Валлнинг Теҳрондан хабар беришича, таълим муассасасига берилган зарба АҚШ ва Исроилнинг “фаqat ҳарбий объектлар нишонга олинмоқда” деган баёнотларини шубҳа остига қўймоқда.
