Оятуллоҳ Али Хоманаий хавфсиз ҳудудга олиб кетилди — Reuters
Маълумотларга кўра, Эрон Олий Раҳбари хавфсизлик сабаб Теҳрондан эвакуация қилинган.
Reuters агентлигининг хабар беришича, Эрон олий раҳнамоси Оятуллоҳ Али Хоманаий хавфсизлик сабабли Теҳрондан эвакуация қилиниб, олдиндан тайёрланган хавфсиз ҳудудга кўчирилган.
Агентликка Эрон расмийларидан бирининг маълум қилинишича, Олий Раҳбар АҚШ ва Исроил томонидан амалга оширилган зарбалардан сўнг пойтахтни тарк этган.
Исроил ва АҚШ зарбалари натижасида Эрон мудофаа вазири Азиз Носирзода, мамлакат суд тизими раҳбари Ғулом Ҳусайн Моҳсений-Эжеий ва Эрон армияси бош қўмондони Амир Ҳотамий йўқ қилинди, дея хабар қилинмоқда.
28 февраль куни эрталаб Исроил Ташқи ишлар вазирлиги Эрон ҳудудига нисбатан “таҳдидни бартараф этиш мақсадида” олдиндан огоҳлантирувчи зарба берилганини хабар берилган эди. Эрон оммавий ахборот воситалари эса Теҳрон, Исфаҳон ва бошқа қатор шаҳарларда портлашлар содир бўлганини хабар қилди.
Шунингдек, Эрон ОАВ АҚШ ва Исроил томонидан Ислом инқилоби қўриқчилари корпуси (КСВР) разведка бошқармаси ҳамда Теҳрон марказига зарбалар берилгани ҳақида маълумот тарқатди. Воқеалар ортидан мамлакат ўз ҳаво ҳудудини ёпган.
Исроил хавфсизлик хизмати вакилининг Реутерсъга билдиришича, мазкур операция бир неча ой олдин режалаштирилган бўлиб, уни амалга ошириш вақти бир неча ҳафта аввал белгиланган.
