АҚШ ва Исроил зарбалари оқибатида Эронда 500 дан ортиқ киши ҳалок бўлди
Ҳужумлар давомида Эроннинг 131 шаҳри нишонга олинган.
Эрон ҳудудига берилган зарбалар оқибатида 500 дан ортиқ киши ҳалок бўлди. Бу ҳақда Fars ахборот агентлиги Эрон Қизил Ярим Ой жамияти маълумотларига таяниб хабар берди.
Маълум қилинишича, АҚШ ва Исроил томонидан амалга оширилган ҳужумлар натижасида камида 555 киши ҳалок бўлган. Қутқарув хизматлари вайрона остидаги жасадларни олиб чиқиш ишларини давом эттирмоқда.
Ҳозирда мамлакат бўйлаб 100 мингдан ортиқ қутқарувчи ва фавқулодда хизматлар ходимлари қидирув-қутқарув ишларига жалб қилинган.
Дастлабки маълумотларга кўра, зарбалар давомида Эроннинг 131 шаҳри турли даражада нишонга олинган.
Эслатиб ўтамиз, 28 феврал куни Исроил АҚШ кўмагида Эрон ҳудудига ҳарбий зарбалар беришни бошлаган эди. Ҳужумлар оқибатида Эроннинг Олий раҳбари Али Хоманаий ҳамда бир қатор юқори мартабали ҳарбий ва давлат амалдорлари ҳалок бўлгани хабар қилинган.
