АҚШ разведкаси Эрон томонидан Қўшма Штатлар ҳудудига йўналтирилган эҳтимолий ҳужумлар ҳақида огоҳлантирди
Эроннинг АҚШга қарши эҳтимолий таҳдиди кенг кўламли тўғридан-тўғри ҳарбий ҳужумларни ўз ичига олмайди.
АҚШ Ички хавфсизлик вазирлиги ҳузуридаги Разведка ва таҳлил бошқармасининг маълум қилишича, Али Хоманаий АҚШ ва Исроил зарбалари оқибатида ҳалок бўлганидан сўнг Эрон ва унга яқин прокси кучлар жавоб тариқасида Қўшма Штатлар ҳудудида ҳужумлар уюштириши мумкин.
Шу билан бирга, разведка маълумотларига мувофиқ, Эроннинг АҚШга қарши эҳтимолий ҳужуми кенг кўламли тўғридан-тўғри зарбаларни ўз ичига олмайди. Яқин вақтдаги асосий хавф сифатида эҳтимолий киберҳужумлар қайд этилган.
АҚШ Ички хавфсизлик вазири Кристи Ноэм миллий хавфсизликка оид ҳар қандай эҳтимолий таҳдидлар диққат билан кузатилаётгани ва уларнинг олдини олиш мақсадида федерал разведка ҳамда ҳуқуқни муҳофаза қилувчи идоралар билан яқин ҳамкорлик йўлга қўйилганини билдирди.
