Эронда АҚШ ва Исроил ҳужумлари оқибатида ҳалок бўлганлар сони 800 га яқинлашди
Маълумотларга кўра, мамлакатнинг 153 ҳудудида 1039 та зарба қайд этилган.
Эрон ҳудудига қилинган ҳарбий зарбалар оқибатида ҳалок бўлганлар сони 787 нафарга етди. Бу ҳақда Tasnim News Agency Эрон Қизил Ярим Ой Жамияти маълумотларига таяниб хабар берди.
Маълум қилинишича, махсус қутқарув гуруҳлари томонидан тақдим этилган ҳисоботларга кўра, Эрон ҳудудига АҚШ ва Исроил томонидан берилган зарбалар натижасида бугунги кунга қадар 787 нафар фуқаро ҳалок бўлган.
Ҳозирда мамлакатнинг турли ҳудудларида қидирув-қутқарув ишлари давом этмоқда. Қутқарув хизматлари вайроналар остида қолганларни қидириш, жароҳатланганларни эвакуация қилиш ҳамда уларга зарур тиббий ёрдам кўрсатиш билан шуғулланмоқда.
Расмий маълумотларга кўра, ҳужумлар давомида Эроннинг 153 ҳудудида жами 1039 та зарба қайд этилган. Ушбу зарбалар оқибатида камида 504 та объект турли даражада зарар кўрган.
Қайд этилишича, фавқулодда хизматлар вайроналарни тозалаш, жароҳатланганларни тиббиёт муассасаларига етказиш ҳамда жабрланганларга ёрдам кўрсатиш ишларини узлуксиз давом эттирмоқда.
Мутасадди ташкилотлар ҳудудларда вазиятни назорат остида ушлаб туриш ва зарар кўрган аҳолига ёрдам кўрсатиш бўйича зарур чораларни кўрмоқда.
