Қозоғистон Эрон масаласи бўйича музокаралар ўтказиш учун майдон тақдим этишга тайёр
Маълум қилинишича, аввал ҳам Олмаотада Эрон бўйича музокаралар ўтказилган.
Қозоғистон ташқи ишлар вазири ўринбосари Алибек Бақoев мамлакат Эрон бўйича музокаралар учун ўз ҳудудини тақдим этишга тайёр эканини билдирди.
Бақoевнинг таъкидлашича, Қозоғистон бундай учрашувларни ўтказиш бўйича тажрибага эга.
“Биз аввал ҳам Эрон бўйича майдон тақдим қилганмиз. Илгари Олмаота шаҳрида музокаралар учун майдон ажратилган эди ва бу мазкур масалани ҳал этишга катта ҳисса қўшган, — деди Бақoев.
Шунингдек, у Сурия масаласида Қозоғистонда Сурия ҳукумати ва мухолифати ўртасида 20 дан ортиқ музокара раунди ўтказилганини, бу эса можаро кескинлигини пасайтиришга ёрдам берганини қайд этди.
Бақoевнинг сўзларига кўра, агар расмий мурожаат қилинса, Қозоғистон янги музокараларни ўтказиш таклифини синчковлик билан кўриб чиқишга тайёр.
