Ўзбекистон Саудия Арабистони, БАА, Қатар, Эрон, Қувайт ва Исроилга парвозларни вақтинча тўхтатди
Ҳозирда жорий йилнинг 28 февралигача кетган йўловчиларни қайтариш ишлари давом этмоқда.
Uzbekistan Airports матбуот хизмати хабар беришича, яқин Шарқдаги вазият сабаб, барча резидент ва норезидент авиакомпаниялар Ўзбекистон аэропортларидан Саудия Арабистони, Бирлашган Араб Амирликлари, Қатар, Эрон, Қувайт ва Исроил аэропортларига амалга ошириладиган парвозларни вақтинча тўхтатиб туради.
Ҳозирги вақтда, резидент ва норезидент авиакомпаниялар томонидан 2026 йил 28 февралгача жўнаб кетган йўловчиларни Ўзбекистон ҳудудига қайтариш мақсадида парвозлар амалга оширилмоқда.
Ушбу рейслар бўйича аниқ маълумот олиш учун фақат авиакомпанияларнинг ваколатхоналари ва уларнинг расмий веб-сайтларида кўрсатилган телефон рақамларига мурожаат қилиш тавсия этилади.
“Эҳтимолий тушунмовчиликлар ва молиявий хавф-хатарларнинг олдини олиш мақсадида фақат расмий маълумот манбаларидан фойдаланиш ва текширилмаган воситачиларга мурожаат қилмаслик тавсия этилмоқда”, дейилади хабарда.
