Хоманийниг ўғли Мужтабо Хоманаий янги олий раҳбар этиб сайланди — Iran International
Эронлик сиёсатчилардан фарқли равишда, Мужтaбо оммавий чиқишлардан четда бўлиб, фаолиятини сояда олиб борган.
Мухолифат нашр ҳисобланган Iran International нашрининг манбаларга таяниб хабар беришича, Эрон Ислом Республикасининг Экспертлар кенгаши Мужтабо Хоманаийни Эроннинг янги олий раҳбари лавозимга сайлади.
Қайд этилишича, 56 ёшли Мужтабо Хоманий марҳум Оятуллоҳ Али Хоманаийнинг ўғли. Сўнгги ўн йил давомида у очиқчасига “ворис” сифатида тилга олиб келинган.
Кўплаб эронлик сиёсатчилардан фарқли равишда, Мужатбо оммавий чиқишлардан четда бўлиб, фаолиятини сояда олиб борган. У Ислом инқилоби қўриқчилари корпуси ва махсус хизматлар тизимида тажриба орттирган. 2000 йиллар ўрталаридан бошлаб у “куч блоки”ни назорат қилгани, армия, денгиз ва ҳаво кучлари устидан отасига кўмак бергани айтилади. Мужтабо инқилобни прокси кучлар орқали экспорт қилиш стратегиясининг муаллифи сифатида кўрилади.
Таҳлилчиларнинг фикрича, Эронда раҳбар алмашиши сиёсий йўналиш ўзгаришини англатмайди, балки услуб ўзгаришини билдиради. У “гибрид уруш” тарафдори ва Ғарб билан кескин қарама-қаршиликни ёқлайди. Унинг даврида ядро дастури бўйича музокаралар тўхтаб қолиши ёки янада қаттиқ шартлар билан давом этиши мумкин.
Мужтабонинг лавозимга кўтарилиши инқилобий ислом тизими сифатида ташкил этилган Ислом Республикасининг сулолавий бошқарув томон ривожланаётгани ҳақидаги танқидларни кучайтириши мумкин.
