"Исроил АҚШни Эронга қарши ҳарбий амалиёт бошлашга мажбурлагани йўқ" — АҚШ президенти
Доналд Тармпнинг айтишича, унинг ўзи Исроилни ҳаракат қилишга мажбур қилган.
Қўшма Штатлар президенти сешанба куни Конгрессда ўзининг тарафдорлари орасида АҚШ Исроил мажбурлагани учун Эронга ҳужум қилишга мажбур бўлганлиги ҳақидаги тахминларни рад этди.
"Биз Эрондаги бу "телбалар" билан музокаралар олиб бордик ва мен улар биринчи бўлиб ҳужум қилишини ҳис қилдим. Мен бу ҳужум содир бўлишини истамадим", — деди Трамп
Шунингдек, Оқ уй раҳбари Эронда энди ҳаво ҳужумидан мудофаа ва кузатув тизимлари йўқлигини, шунинг учун улар жиддий йўқотишларга тайёр туриши кераклигини таъкидлаб, мамлакатнинг амалдаги ҳукумати учун муқобил номзод ҳисобланган кўпчилик шахслар ҳужумлар давомида ҳалок бўлганини билдирди.
Доналд Трапм Буюк Британиянинг АҚШдан Эронга қарши амалиётда ўз базаларидан фойдаланмасликни сўраганини қоралаб, бош вазир Кир Стармер Уинстон Черчилл каби зўр сиёсатчи эмаслигини қайд этди.
"Нефт нархлари яна бир муддат юқори бўлиб туриши мумкин, аммо кейин албатта пасаяди", — дея қўшимча қилди Тармп.
