Ёввойи табиат ортидаги меҳр: Тошкентда минглаб ёшлар экология учун бирлашди

3 март куни мамлакат бўйлаб “Бутунжаҳон ёввойи табиат куни” кенг нишонланди.

 

Сана муносабати билан Тошкент ҳайвонот боғида ёввойи флора ва фауна вакилларини асрашга қаратилган йирик экологик тадбир ташкил этилди. Тадбир Экология ва иқлим ўзгариши миллий қўмитаси, Global экологик фонд, БМТ Тараққиёт дастури, Ёшлар ишлари агентлиги, Волонтёрлар aссоциацияси ҳамда Тошкент ҳайвонот боғи ҳамкорлигида ўтказилди.

 

Унда пойтахтдан 100 нафaрдан ортиқ ёш экoфаоллар, республика бўйича эса қарийб 2000 нафар ёшлар иштирок этди. Тадбирнинг асосий қисми сифатида ёшлар ўртасида “Эко-квест” интеллектуал ўйини ташкил этилди. Унда Тошкент шаҳарининг турли туманларидан тузилган жамоалар экологиya, атроф-муҳитни муҳофаза қилиш ҳамда ёввойи табиатни асрашга оид савол ва топшириқларни бажарди.

 

Якуний натижаларга кўра, 1-ўрин Мирообод, Яккасарой ва Олмазор туманлари жамоаларига насиб этди. 2-ўринни Бектемир ҳамда Янгиҳayot туманлари эгаллади. 3-ўрин эса Мирзо Улуғбек ва Учтепа туманлари жамоаларига берилди.

 

Шунингдек, номинациялар бўйича ҳам ғолиблар аниқланди. Юнусобод тумани “Интеллектуал жамоа”, Чилонзор тумани “Яшил қаҳрамонлар”, Шайҳонтоҳур тумани “Экологик топқирлар”, Сергели тумани эса “Энг креатив жамоа” деб топилди.

 

Тадбир давомида ҳайвонот боғидаги ёввойи фауна вакилларини озиқлантириш ва парваришлашга қаратилган амалий акциялар ҳам ўтказилди. Шу билан бирга, “Эко-квест” ўйинлари Фарғона ва Сурхондарё вилоятларидаги ҳайвонот боғларида ҳамда бошқа ҳудудлардаги хиёбонларда ҳам ташкил этилди.