Эрондан учирилган дрон Озарбайжонга қулаб тушди
Озарбайжон мазкур ҳужумни қатъий қоралаб, Ташқи ишлар вазирлигига Эрон элчиси чақиртирилди.
Озарбайжон Ташқи ишлар вазирлиги хабарига кўра, Эроннинг бир дрони Нахичивон автоном республикаси аэропорти терминали биносига, иккинчиси Шакаробод қишлоғидаги мактаб биноси яқинига қулаган. Ҳодиса оқибатида 2 киши жабрланган.
"Биз Эрон Ислом Республикаси ҳудудидан амалга оширилган, аэропорт биносининг шикастланишига ва икки фуқаронинг жароҳатланишига олиб келган ушбу дрон ҳужумларини қатъий қоралаймиз", — дейилади вазирлик баёнотида.
Вазирлик ушбу ҳодиса юзасидан Эрондан изоҳ талаб қилди ва Озарбайжон "тегишли жавоб чораларини кўриш ҳуқуқини ўзида сақлаб қолишини" айтди.
