Ўзбекистон Миллий медиа бирлашмаси бошқаруви раиси ўзгарди
Тожиев Одилжон Фотиҳжон ўғли Ўзбекистон Миллий медиа бирлашмаси бошқаруви раиси лавозимига тайинланди.
Ўзбекистон Миллий медиа бирлашмаси бошқаруви раиси этиб, Шерзодхон Тожиддинхон ўғли Қудратхўжанинг ўрнига Тожиев Одилжон Фотиҳжон ўғли тайинланди.
Маълумотларга кўра, Одилжон Фотиҳжон ўғли Тожиев давлат бошқаруви тизимида турли масъул лавозимларда фаолият юритган. Жумладан, у Тошкент вилояти ҳокими ўринбосари, Олий Мажлис Қонунчилик палатаси депутати, Қонунчилик палатаси Спикерининг рақамли ривожланиш ва ахборот сиёсати масалалари бўйича ўринбосари сифатида кўп йиллар самарали иш олиб борган.
О.Тожиев жамоатчилик билан фаол ишлайдиган, ОАВ соҳасидаги қонунчиликни чуқур биладиган, ахборот сиёсати ва рақамли ривожланиш йўналишларида катта тажрибага эга мутахассис сифатида танилган.
Шунингдек, у замонавий медиа майдонда очиқ мулоқот маданиятини ривожлантириш, медиа соҳасини такомиллаштириш масалаларига алоҳида эътибор қаратиб келган.
