АҚШ Эрондан кейин Кубага эътибор қаратади — Трамп
АҚШ президенти Куба масаласида давлат котиби Марко Рубио фаолиятига юқори баҳо берди ва Вашингтон бу йўналишни диққат билан кузатаётганини таъкидлади.
АҚШ президенти Дональд Трамп биринчи Эронга қарши ҳарбий операцияни якунлашни, шундан сўнг эса Куба масаласи бўйича кейинги ҳаракат йўналишларини кўриб чиқишни режалаштираётганини маълум қилди.
Оқ уйда ўтказилган тадбир чоғида давлат раҳбари АҚШ давлат котиби ва миллий хавфсизлик бўйича маслаҳатчиси вазифасини бажарувчи Марко Рубио фаолиятига юқори баҳо берди. Трампнинг таъкидлашича, Америка маъмурияти Кубадаги вазиятни ҳам диққат билан кузатиб бормоқда.
“Биз аввало Эронга оид масалани якунлашни истаймиз, шундан сўнг кейинги қадамлар ҳақида ўйлаймиз”, — деди АҚШ президенти.
Трамп, шунингдек, Лотин Америкасидаги вазият ҳақида ҳам фикр билдирди ва Венесуэлада жараёнлар ижобий томонга ўзгаряптиганини таъкидлади. Унинг сўзларига кўра, мамлакатда сайланган президент сифатида тилга олинган Делси Родригес билан ҳамкорлик йўлга қўйилган.
АҚШ раҳбари Венесуэладан катта ҳажмда нефть импорт қилинаётганини ҳам қайд этди. Таъкидлашича, мазкур нефть Ҳюстон ва бошқа ҳудудлардаги қайта ишлаш корхоналарига етиказиб берилмоқда.
Аввалроқ The Atlantic нашри манбаларга таяниб, АҚШ раҳбарияти Куба бўйича ҳарбий операция эҳтимолини ҳам муҳокама қилаётгани ҳақида хабар берган эди.
