Дубайда атиги 10 кунга етадиган озиқ-овқат маҳсулотлари қолди
Яқин Шарқдаги можаро Дубай ва бошқа шаҳарларда озиқ-овқат етказиб беришга жиддий таъсир кўрсатмоқда.
Яқин Шарқдаги давом этаётган можаро глобал савдо оқимларига сезиларли таъсир кўрсатмоқда. Heute нашрининг маълум қилишича, логистика соҳасидаги етакчи компания Kühne + Nagel бош директори Стефан Пол маълумотларига кўра, глобал ҳаво юк ташиш бозори ҳозирда ўз қувватининг тахминан 18 фоизини йўқотган.
Дубайдаги янги озиқ-овқат маҳсулотлари фақат атиги 10 кунга етади, деб огоҳлантиради Пол. Вазият айниқса янги маҳсулотлар – мева ва сабзавотлар учун хавфли бўлиши мумкин, чунки минтақадаги кўплаб давлатлар импортга жуда боғлиқ. Агар можаро узоқ давом этса, логистика менеджерининг сўзларига кўра, таъминот занжирида жиддий узилишлар юзага келиши мумкин.
Назариёт жиҳатдан Саудия Арабистони орқали транспортни амалга ошириш мумкин бўлса-да, мавжуд имкониятлар бир контейнер кемасининг юкини қоплаш учун етарли эмас. Бундай кема одатда 20 000 тагача контейнер таший олади – бу ҳажмни автомобил транспорти билан қоплаш деярли имкононсиз.
Европада ҳозирча уруш таъсири нисбатан чекланган бўлиб, фақат энергия нархлари сезиларли даражада ошгани ва таъминот занжирларида баъзи узилишлар кузатилган. Дубай ва бошқа йирик савдо марказларида дўконлар ёпиқ ёки минимал ходимлар билан ишламоқда, бу эса бизнес ва туризм соҳаларига салбий таъсир кўрсатмоқда.
