Эрондаги қизлар мактабига зарба АҚШ кучлари томонидан берилган — The New York Times
Ушбу ҳодиса АҚШнинг мактаб яқинидаги Эрон Ислом инқилоби қўриқчилари корпуси денгиз базасига берган зарбалари пайтида содир бўлган.
The New York Times'нинг хабар беришича, 28 февраль куни Эрон жанубидаги Минoб шаҳридаги бошланғич мактабга қилинган ҳужум Қўшма Штатлар ва Исроил Эронга ҳужум қилганидан бери тинч аҳоли орасида қурбонлар сони бўйича энг кўп маълум бўлган воқеа бўлди ва ҳали ҳеч бир томон жавобгарликни ўз зиммасига олмади.
Аммо The New York Times томонидан тўпланган далиллар — жумладан, янги эълон қилинган сунъий йўлдош тасвирлари, ижтимоий тармоқлардаги постлар ва тасдиқланган видеолар — мактаб биноси Ислом инқилоби қўриқчилари корпуси томонидан бошқариладиган қўшни денгиз базасига қилинган ҳужумлар билан бир вақтда содир бўлган аниқ зарба натижасида жиддий зарар кўрганлигини кўрсатади.
“Қўшма Штатлар мактабга ҳаво ҳужуми уюштирганми ёки йўқми деган саволга Оқ уй матбуот котиби: "Биз билмаймиз. Harbiy departament бу масалани текширмоқда", деб жавоб берди”, дейилади хабарда.
Reuters нашрининг манбаларига кўра, ҳарбий терговчилар ҳозирча айнан қандай ўқ-дори ишлатилганини, айнан ким зарба бериши мумкинлигини ва нима сабабдан мазкур объект нишон бўлганини аниқламаган.
Шу билан бирга, улар янги маълумотлар АҚШдан жавобгарликни олиб ташлаши ва бошқа томонни кўрсатиши мумкинлигини ҳам истисно қилмайди.
