Шуҳрат Орипов Ўзбекистон Журналистлар уюшмаси раиси в.б. бўлди.
Шуҳрат Орипов тайинловга қадар Бизнесни ривожлантириш банки матбуот хизмати бошлиғи лавозимида ишлаб келаётганди.
Журналистлар уюшмаси Бошқарувининг бугунги йиғилишида Орипов Шухратжон Орип ўғли Ўзбекистон Журналистлар уюшмаси раиси вазифасини бажарувчи этиб тайинлангани маълум қилинди.
Қайд этилишича, Ўзбекистон Журналистлар уюшмаси раиси вазифасини бажарувчи лавозимида ишлаб келаётган Холмурод Салимов Уюшма раиси биринчи ўринбосари вазифасини бажарувчи лавозимига тайинланган.
Маълумот учун, Шуҳрат Ориф — 1981 йили Фарғона вилоятининг Учкўприк туманида туғилган. Ўзбекистон Миллий университети ва Ўзбекистон Республикаси Президенти ҳузуридаги Давлат ва жамият қурилиши академиясини тамомлаган. Шуҳрат Орипов меҳнат фаолиятини 1999 йилда журналист сифатида бошлаган. У бир қанча газеталарда фаолият юритган.
Кейинчалик давлат ва жамоат ташкилотларида (Республика Маънавият ва маърифат марказида), шунингдек, сиёсий партия (ЎзЛиДеп) тизимида ахборот сиёсати ва матбуот хизмати йўналишларида фаолият олиб борган.
Ижодкорнинг “Мен асли одаммас, ёр эдим”, “Шом товуши” китоблари нашр этилган. 15-Халқаро туркий шеърият фестивали иштирокчиси (Туркия, 2022 йил). Шунингдек, у “Шуҳрат” медали билан тақдирланган.
Тайинловга қадар Шуҳрат Орипов Бизнесни ривожлантириш банки матбуот хизмати бошлиғи лавозимида ишлаб келаётганди.
