Ўзбекистонда “Даромадли аёл” дастури бошланади.
Мазкур дастур орқали лидер тадбиркорлар ёрдамида касаначилик, ҳунармандчилик, паррандачилик, асаларичилик ва томорқачилик йўналишларида 50 минг аёл бандлиги таъминланади.
166 минг хотин-қиз замонавий касб ва тадбиркорлик соҳаларида, яна 100 минг нафари ахборот технологиялари йўналишида ўқитилиши режалаштирилган. Бу ҳақда Кўксарой қароргоҳида Халқаро хотин-қизлар куни муносабати билан бўлиб ўтган байрам тадбирида эълон қилинди.
Маълум қилинишича, xотин-қизлар ўз уйларида тадбиркорлик фаолиятини йўлга қўйиши учун “Даромадли аёл” дастури орқали лидер тадбиркорлар ёрдамида касаначилик, ҳунармандчилик, паррандачилик, асаларичилик ва томорқачилик йўналишларида 50 минг аёл бандлиги таъминланади.
Бундан ташқари, “Ҳамроҳ” дастури доирасида хотин-қизларнинг 3 мингта лойиҳасига жами 1 триллион сўм ажратилиши кутилмоқда.
Шунингдек, жорий йилда 1,5 миллион аёлни даромадли қилиш, шундан 400 минг нафарини бизнесга жалб этиш мақсад қилингани, бу мақсадлар учун 25 триллион сўмдан ортиқ ресурс ажратилиши маълум қилинди.
