Дубай халқаро аэропортида портлашлар юз берди: аэропорт ўз фаолиятини тўхтатди
Дроннинг Эрондан учирилгани тахмин қилинмоқда.
Дубай аэропортида Эрондан учирилгани тахмин қилинаётган дронлардан бирининг қулаши сабабли портлаш юз берди. Бу ҳақда The Wall Street Journal хабар бермоқда.
Маълум қилинишича, дрон қулагандан сўнг аэропорт ҳудудида бир неча портлаш овози эшитилган. Аэропорт фаолияти номаълум муддатга тўхтатилди. Эҳтимолий вайронагарчиликлар ёки жабрланганлар ҳақида ҳозирча тафсилотлар келтирилмаган.
"Дубай халқаро аэропорти йўловчилар, аэропорт ходимлари ва экипажлар хавфсизлигини таъминлаш мақсадида ўз фаолиятини вақтинча тўхтатди. Барча тартиб-қоидалар хавфсизлик протоколларига мувофиқ амалга оширилмоқда", — дейилади амирлик ҳукумати медиа-офиси хабарида.
Шунингдек, Пезешкиён Эрон қўшни давлатлар ҳудудидан зарбалар бўлмаса, уларга ҳужум қилишни тўхтатиши ҳақида маълум қилган эди.
