Эрон президенти қўшни давлатлардан узр сўради
Масъуд Пезешкиан қўшни давлатлар ҳудудидан Эронга қарши ҳужумлар амалга оширилмаса, Теҳрон ҳам уларга қарши зарба бермаслигини маълум қилди.
Масуд Пезешкиан қўшни давлатлар ҳудудидан Эронга қарши ҳужумлар амалга оширилмаса, Теҳрон ҳам уларга қарши ҳарбий зарбалар бермаслигини маълум қилди. Бу ҳақда давлат раҳбари мамлакатнинг вақтинчалик бошқарув кенгаши қарори эълон қилиш чоғида баёнот берди.
Президентнинг сўзларига кўра, Эрон қўшни давлатларга нисбатан тажовузкор ниятда эмас. Шу билан бирга, у Эроннинг душманлари мамлакатнинг “сўзсиз таслим бўлиши” ҳақидаги орзуларидан воз кечиши кераклигини таъкидлаган.
Пезешкиан шунингдек, сўнгги воқеалар сабаб зарар кўрган қўшни давлатлардан расмий узр сўраган.
Эслатиб ўтамиз, 28 феврал куни Исроил ҳарбий кучлари Эрондаги бир қатор ҳарбий объектларга зарба берган эди. Исроил мудофаа вазири Исраэль Кац бу ҳаракатларни эҳтимолий таҳдидларнинг олдини олишга қаратилган чоралар сифатида изоҳлаган.
