Эронга қарши “жуда кучли зарба” берилиши мумкин — Трамп

АҚШ президенти Дональд Трамп Эронга қарши “жуда кучли зарба” берилиши мумкинлигини маълум қилди. У бу ҳақда Truth Social ижтимоий тармоғидаги саҳифасида ёзган.

 

Америка етакчисининг таъкидлашича, Эроннинг “ёмон хатти-ҳаракатлари” туфайли ҳозиргача ҳужум учун кўриб чиқилмаган айрим ҳудудлар ва одамлар гуруҳларига нисбатан ҳам кескин чоралар кўрилиши эҳтимоли муҳокама қилинмоқда. Унинг сўзларига кўра, бундай ҳаракатлар “тўлиқ вайронагарчилик ва муқаррар қурбонларга” олиб келиши мумкин.

 

Дональд Трамп Эрон президенти Масъуд Пезешкианнинг қўшни давлатлардан узр сўраб, уларга нисбатан бошқа ҳужумлар бўлмаслигига ваъда берган баёнотига ҳам изоҳ берди.

 

АҚШ президенти бу ҳолатни Эроннинг Яқин Шарқдаги қўшни давлатлари олдида “таслим бўлиши” сифатида баҳолаган.

 

Трамп, шунингдек, Эронни “мағлуб” деб атаб, унинг позицияси “таслим бўлмагунча ёки бутунлай қуламaгунча узоқ йиллар давомида шундай бўлиб қолиши мумкинлигини” таъкидлаган.