Покистон билан можаро фонда Афғонистонда 56 нафар тинч аҳоли ҳалок бўлди
Қурбонлар ва жароҳатланганларнинг 55 фоизи аёллар ҳамда болалардан иборат.
Афғонистон ва Покистон ўртасида жорий йилнинг 26 февралидан бери давом этаётган қўролли можаро оқибатида Афғонистонда камида 56 нафар тинч аҳоли ҳалок бўлган, яна 129 киши жароҳат олган. Бу ҳақда БМТнинг Афғонистондаги Ёрдам Миссияси (UNAMA) маълумотларига таянып RIA Новости хабар берди.
Маълум қилинишича, қурбонлар ва жароҳатланганларнинг ярмидан кўпи — қарийб 55 фоизи аёллар ва болалардан иборат. Улар асосан икки давлат чегараси яқинида юз берган жангарлар оқибатида жабрланган.
UNAMA ҳисоботида қайд этилишича, сўнгги бир ҳафта давомида чегара ҳудудларида фаол тўқнашувлар давом этмоқда. Натижада минтақада гуманитар вазият кескинлашиб, тинч аҳоли учун жиддий хавф юзага келган.
