Осиёлик миллиардерлар Дубайдан активларини олиб чиқиб кетмоқда

Ўтган ҳафта Дубайга қилинган биринчи Эрон ракета ва дрон ҳужумларидан сўнг, у ерда яшовчи икки ҳинд тадбиркори ўзларининг банк ҳисобларидан ҳар бири 100,000 доллардан ортиқ маблағни Сингапурга ўтказишга уринган. Бу ҳақда Reuters хабар берди.

 

Тадбиркорларнинг агентликка билдиришича, дастлаб Эрон ҳужумлари ортидан юзага келган технологик носозликлар ушбу ўтказмаларни амалга оширишни қийинлаштирган. Бироқ тадбиркорлардан бири кейинчалик бошқа Дубай банки орқали суммани Сингапур банк ҳисобига муваффақиятли ўтказган.

 

Саноат бўйича маслаҳатчилар ва юристларнинг сўзларига кўра, бошқа кўплаб бой осиёликлар ҳам шунга ўхшаш чораларни кўрмоқда ёки Дубайдаги активларини Сингапур ва Гонконг каби минтақавий молиявий марказларга кўчириш бўйича сўровлар юборишмоқда, чунки АҚШ–Исроил уруши Форс кўрфазидаги Дубайнинг "хавфсиз бошпана" мавқейига путур етказган ва инвесторларни хавотирга солган.

 

Сингапурдаги молия маслаҳатчиларининг айтишича, 20 мижоздан ҳар бири ўртача 50 миллион доллар активга эга 6–7 таси, шу ҳафта Сингапурга активларини кўчиришни режалаштирмоқда. Глобал молия компанияси Андерсон Глобал ҳам 10–20 та оилавий идоранинг Яқин Шарқдан Сингапурга активларини кўчириш бўйича сўровлар юборганини билдирган.