АҚШ Венесуэланинг янги ҳукуматини расман тан олди
Венесуэланинг вақтинчалик президенти Делси Родригес АҚШ қарорини олқишлаб, икки давлат ўртасида ҳамкорликни ривожлантиришга тайёрлигини билдирди.
АҚШ президенти Дональд Трамп Вашингтон Венесуэланинг амалдаги ҳукуматини мамлакатнинг қонуний ҳокимияти сифатида тан олганини маълум қилди.
АҚШ раҳбари бу ҳақда Флорида штатида бир қатор Лотин Америкаси давлатлари етакчилари билан ўтказилган учрашув чоғида баёнот берган.
“Бу ҳафта Венесуэла ҳукуматини расман, қонуний равишда тан олганимизни эълон қилишдан мамнунман”, — деди Трамп.
EFE ахборот агентлиги хабар беришича, Венесуэланинг вақтинчалик президенти Делси Родригес АҚШ қарорини олқишлаб, Трампга миннатдорчилик билдирган.
Унинг таъкидлашича, Каракас АҚШ билан ўзаро ишонч, тенглик ва халқаро ҳуқуққа ҳурмат асосида узоқ муддатли ҳамкорликни ривожлантиришга тайёр.
“Биз Қўшма Штатлар билан ўзаро ишонч, тенглик ва халқаро ҳуқуққа ҳурмат асосида узоқ муддатли муносабатларни йўлга қўйишга содиқлигимизни яна бир бор тасдиқлаймиз”, — деб ёзган Родригес ижтимоий тармоқларда.
