Эрондаги ҳарбий операциянинг биринчи ҳафтаси АҚШга 6 миллиард долларга тушди — NYT
Ушбу маблағнинг 4 миллиард доллари Эрон ракета тизимларини йўқ қилишга йўналтирилган.
The New York Times нашрининг хабарига кўра, Қўшма Штатлар Эрондаги ҳарбий операциянинг биринчи ҳафтасида тахминан 6 миллиард доллар маблағ сарфлаган.
Пентагон ушбу маълумотни Конгрессга ошкор қилган.
Хабарда таъкидланишича, бу маблағларнинг 4 миллиард доллари Эроннинг ракета тизимларини йўқ қилиш ва оқ-дориларни таъминлашга йўналтирилган.
Нашрнинг маълумотига кўра, қонун чиқарувчилар АҚШ маъмурияти Конгрессдан ҳарбий операция учун қўшимча маблағ сўраши кутилмоқда.
Эслатиб ўтамиз, 28 февраль куни АҚШ ва Исроил Эронга қарши ҳарбий операция бошлаган. Теҳрон ва бошқа йирик шаҳарларда нишонлар зарбага учраган. Ушбу операциялар Оқ уй томонидан Эроннинг ракета ва ядровий таҳдидлари билан изоҳланган. Ислом инқилоби қўриқчилари корпуси Исроилдаги нишонларга жавоб зарбаларини амалга оширган, шунингдек, Баҳрайн, Иордания, Қатар, Қувайт, БАА ва Саудия Арабистонидаги АҚШ нишонларига ҳам ҳужумлар содир бўлган.
