Исроил ва АҚШ Теҳрондаги нефть омборларига зарба берди
Ҳужумлар Эрон пойтахтидаги ёнилғи инфратузилмасига қаратилган.
Исроил ва АҚШ ҳарбий кучлари Теҳроннинг жанубий ҳудудларига ҳаво ҳужумлари уюштирди. Бу ҳақда Fars ахборот агентлиги хабар берди.
Агентлик маълумотига кўра, зарбалар асосан пойтахтнинг нефть омборлари жойлашган ҳудудларига қаратилган. Ҳужумлар давомида ёнилғи сақлаш инфратузилмаси жойлашган айрим объектлар нишонга олингани айтилмоқда.
Хабарларга кўра, операцияларда Исроил ҳаво кучлари ҳам иштирок этган. Ҳужумларнинг асосий мақсади Эрон пойтахтидаги ҳукуматга қарашли инфратузилма объектлари бўлган.
Ҳозирча зарба оқибатида етказилган зарар миқдори ёки эҳтимолий қурбонлар ҳақида расмий маълумотлар эълон қилинмаган.
